માર્ચ-૨૦૦૩માં યુ.એસ.એ.ના મુખ્ય ઇકિવટી ઇન્ડેકસ ડાઉજોન્સ ઇન્ડસ્ટિ્રયલ એવરેજસે ૭૩૯૭.૩૧ની નીચેની સપાટી બતાવી, તે પછીથી જબરજસ્ત તેજીનો સમય શરૂ થયો. સાડા ચાર વર્ષની અલ્કપનીય તેજીનાં પરિણામરૂપ ડાઉન્જૉન્સે ૧૪૧૯૮.૧૦ની સર્વોરચ સપાટી ૧૧ ઓકટોબર, ૨૦૦૭ના રોજ બતાવી, જે ૯૧.૯૦ ટકાનો વધારો સૂચવે છે.

આ સાડા ચાર વર્ષ દરમિયાન, સકારાત્મક પરિબળો જેવાં કે, વધતી જતી વપરાશ, વધુ રોકાણ, વૈશ્વિકીકરણના ફાયદાઓ અને મર્જર અને એકિવઝિશન(ખાસ કરીને એશિયન કંપનીઓ દ્વારા) સહિતના મજબૂત નાણાકીય વિકાસે દુનિયાભરનાં સ્ટોક માર્કેટોને નવી સર્વોરચ સપાટી ઉપર લઈ જવામાં મુખ્ય ભૂમિકા ભજવી.

જેમ દરેક તેજીના અંત પાછળ મંદી છુપાયેલી હોય છે તેમ યુ.એસ.એ.ના સ્ટોક માર્કેટમાં પણ મોટા પ્રમાણમાં વેચવાલી અમુક કારણોના લીધે જૉવા મળી. સબપ્રાઇમ મોર્ગેજ ક્રાઇસીસ, હાઉસિંગ માર્કેટ બબલ, ૫.૫ ટકાને આંબતો બેરોજગારીનો દર, ઓછો જી.ડી.પી. દર અને ઊંચા ફુગાવાના દરે યુ.એસ.એ.ના ફાઇનાન્શિયલ માર્કેટને ખરાબ રીતે અસર કરી છે.

આ બધા કારણોને લીધે ડાઉજોન્સમાં નવેમ્બર-૨૦૦૭થી જુલાઈ-૦૮ સુધીમાં ૨૧.૯ ટકાનો કડાકો બોલ્યો છે. આના કારણે વિશ્વભરના સ્ટોક માર્કેટમાં નોંધનીય રીતે મંદી વ્યાપી ગઈ છે. હવે યુ.એસ.એ.નું અર્થતંત્ર છેલ્લાં ત્રીસથી ચાલીસ વર્ષની મોટામાં મોટી મંદી જોવાના ભય સાથે ઊભું છે.

નોંધનીય રીતે વધુ પડતાં મૂલ્યાંકનવાળાં બજારમાં સારા એવા વેચાણના કારણે, બજાર છેલ્લા ૬થી ૯ મહિનામાં ઠંડાં પડયાં છે. ઉદાહરણ તરીકે શાંઘાઈ ઇન્ડેકસે જૂન-૨૦૦૫ની ૯૯૮ની નીચેની સપાટીથી ઓકટોબર-૨૦૦૭ ૫૯૫૫ની સપાટી દર્શાવી જે છેલ્લાં અઢી વર્ષમાં ૪૯૭ ટકાનો અધધ વધારો સૂચવે છે. વર્ષ ૨૦૦૭થી તેજીનો પરપોટો ફૂટતાં શાંઘાઈ માર્કેટે છેલ્લા આઠ મહિનામાં ૫૮.૧ ટકા તૂટીને જુલાઈ-૦૮ની ૨૫૬૭ની નીચેની સપાટી સ્પર્શી.

જોકે મોટાભાગનાં વૈશ્વિક સ્ટોક માર્કેટ ચાઇનીઝ માર્કેટની જેમ પડી ગયાં નથી. ભલેને તેમાં સારી એવી વેચવાલી આવી હોય, જે ઉપરના ટેબલમાં જૉઈ શકાય છે. જયાં સુધી આંકડાઓની વાત કરીએ તો યુ.એસ.એ. અર્થતંત્રમાં મંદી નથી આવી પરંતુ ચોક્કસપણે અર્થતંત્ર નબળું પડયું છે. યુ.એસ.એ.ના ફાઇનાન્સ અને હાઉસિંગ સેકટરને વર્ષ ૨૦૦૭-૦૮માં ખૂબ જ માઠી અસર પડી છે.

આ વધતા જતા ફાઇનાન્સિયલ ક્રાઇસીસ યુ.એસ.એ.ના ગ્રાહકોના ખર્ચા ઉપર બ્રેક સમાન સાબિત થઈ શકે છે. જે ઓછા કોર્પોરેટ પ્રોફિટમાં અને અંતે વધુ બેરોજગારીમાં પરિણમી શકે છે. વધુમાં ફેડરલ રિઝર્વની વ્યાજના દરોમાં ઘટાડો કરીને ફુગાવો ડામવાની નીતિ વધતા જતા ક્રૂડઓઈલ અને નેચરલ ગેસના ભાવોને કારણે સફળ થવાની શકયતા ઓછી છે.

હાલમાં ફેડરલ રિઝર્વ પાસે બે વિકલ્પો છે. (૧) વ્યાજના દરોમાં ઘટાડો કરવો. (૨) વ્યાજના દરો વધારવા. જૉ પહેલો વિકલ્પ અજમાવવામાં આવે તો ગ્રાહકોના વપરાશમાં ઘટાડો કરીને ફુગાવો કાબૂમાં લાવી ન શકાય. જે ઓછા વ્યાજ પર મળતી લોનના કારણે થઈ શકે.

બીજી બાજુ જૉ ફેડરલ રિઝર્વ વ્યાજના દરો વધારે તો અગાઉથી નબળું પડી ગયેલું અર્થતંત્ર, ઓછો કોર્પોરેટ નફો, નીચો ક્રેડિટ ગ્રોથ, ઓછી રોજગરેની તકોને લઈને વધુ નળું પડે. અત્યારે યુ.એસ.એ.નું અર્થતંત્ર બહુ જ મહત્ત્વના તબક્કામાંથી પસાર થઈ રહ્યું છે અને તેમની પોલિસીમાં એક મહત્ત્વના ફેરફારથી દુનિયાભરના ફાઇનાન્સિયલ માર્કેટ પર અસર થઈ શકે છે.

ટેક્નિકલી, ટૂંકાગાળા માટે ડાઉજોન્સ ઇન્ડેકસને ૧૧૨૦૦ અને ૧૦૮૦૦ના લેવલ ઉપર બહુ મજબૂત ટેકો છે, જયારે ૧૧૭૦૦ અને ૧૨૩૦૦ પ્રતિકારની સપાટી છે. ટૂંકાથી મઘ્યમ ગાળા માટે જયાં સુધી ડાઉજૉન્સ ૧૩૦૦૦ની ઉપર ના આવે ત્યાં સુધી ટકાવી રાખનારી તેજી જૉવા ન મળે. નોંધનીય રીતે જૉ ડાઉજૉન્સ ૧૦૬૦૦ની નીચે બંધ આવે તો મોટી મંદી આવવાના પૂરા અણસાર છે.

જે શકયતા મુજબ ડાઉજોન્સને ૧૧૬૦૦ ઉપર લઈ જઈ શકે અને ૨૦૦૯ની મઘ્ય સુધીમાં ૮૫૫૦ સ્પર્શ કરવાની ખરાબમાં ખરાબ સંભાવના છે.અમારા વૈશ્વિક અર્થતંત્રના રિસર્ચ મુજબ યુ.એસ.એ. અર્થતંત્ર ૨૦૦૮માં મંદ પડતું રહે અને ૨૦૦૯ની શરૂઆતથી રિકવર થવાનું શરૂ કરી શકે. ૨૦૦૯ની શરૂઆતમાં બેરોજગારી દરમાં ઘટડો થાય અને સુધરતા જી.ડી.પી. દરથી અર્થતંત્રને રાહત મળે.

સાથોસાથ ૨૦૦૮ના અંત સુધીમાં વ્યાજના દરમાં વધારો થાય અંતે યુ.એસ.એ. અને દુનિયાભરના સ્ટોક માર્કેટમાં અચાનક તેજીની શકયતાઓ બહુ ઓછી છે, પરંતુ વાચક મિત્ર નોંધ લે કે ગણતરીના સ્ટોકમાં સતત રસ જૉવા મળે કારણ કે સ્ટોક માર્કેટ રોકાણ, વળતર આપવાની બાબતે બીજા બધા રોકાણ કરવાના વિકલ્પો સામે શ્રેષ્ઠ થવાનો ઇતિહાસ ધરાવે છે.

• More News
• Most Popular
• Just Published